Хүн амьдралынхаа 90 орчим хувийг дотоод орчинд буюу ажлын байр, сургууль, цэцэрлэг, тээврийн хэрэгсэл, гэрийн нөхцөлд өнгөрүүлж, дотоод орчны агаараар амьсгалдаг. Гэвч гадаад орчны агаарын бохирдол, тамхины утаа, гэрт гал түлэх, арц хүж асаах, хоолны хиншүү, цэвэрлэгээний бодис, гэрийн тэжээвэр амьтны үс, барилгын материал, агааржуулалт муу зэрэг нь дотоод орчны агаарыг бохирдуулдаг. Жилд 3.8 сая хүн уушгины хорт хавдар, зүрхний шигдээс, уушгины архаг бөглөрөлт, тархинд цус харвах зэрэг өвчний улмаас нас барж байгаа нь дотоод орчны агаарын бохирдолтой холбоотой гэж ДЭМБ-аас мэдээлжээ. Дотоод орчны агаарын бохирдлоос эрүүл мэндээ хамгаалах хамгийн үр дүнтэй аргуудын нэг нь агаар цэвэршүүлэгч хэрэглэх юм. Түүнчлэн агаар цэвэршүүлэгч хэрэглэснээр дотоод орчинд ихээр тархдаг Ковид-19 халдварын магадлалыг бууруулах боломжтой.

“Агаар цэвэршүүлэгчийг тогтмол хэрэглэнэ” гэсэн амлалт баталгаажуулах товчийг дарж, өөрийн болон хайртай хүмүүсийнхээ эрүүл мэндийг хамгаалж буй бусад хүмүүстэй нэгдээрэй.